Carmina
Paulinus of Nola, Saint
Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.
- nec tibi pauperior Christus caelestia fundit
- munera quam patribus, quorum generosa propago es.
- nam patriarcharum, Felix, et filius aeque
- stirpis apostolicae es, tanti non degener heres
- seminis; ut sanctae legis simul atque fidei
- confessor patriis uirtutibus aemula sanctus
- signa geris, nec, si species operum tibi dispar,
- non similis uirtus; diuersa est gratia nobis,
- gloria par, quoniam sanctis fons omnibus unus
- et regnum commune dei; non una prophetis
- martyribusque sacris opera, ut diuersa fuerunt [*]( 269] (Dan. 3, 50). )[*]( 265 Atque suos au, innocuos v reos cantare, suos fort. 266 quando T miseros AD 267 digeneres B mentes B 268 seruierint T 269 ymnos D 270 mox citus T 271 fletu AD 274 placita T aestas Å 275 obsoluat B 276 rudes D 279 facis T cederes T 280 uirtutem B 281 fundet T 282 es] e ADT 288 et] es T aequae A, atque T 284 es] est AD tanti] stantis T 285 nec minus T ut] uf B 286 sanctis E 287 si] sit D tibi] nisi T 289 SJS T 290 ex ADE inserui, om. cet. v dei scripsi, di ADE 291 ut BTv, et ADE )
- tempora, nec coeunt signis distantia causis
- gesta; dei per dona sibi caelestia distant
- aequales meritis. si non eadem omnia Felix
- quae Daniel gessit uel pertulit et lacus istum
- non habuit nec terribiles cinxere leones:
- nec Daniel eadem pro nomine passus erili est,
- uerbera uincla metus et noctem carceris atri,
- quae Felix horrenda tulit. qui rostra ferarum
- clausit adoranti faciens mansueta prophetae,
257