Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. aeuum perenne perpetes ut angeli
  2. cum rege uiuatis deo.
    3. [*]( 915 lito 0 917 Meriane B0, a meridiano v 918 oprimet B 925 angentibus scripsi, agentibus B, egentibus Ov, urgentibus Schot. 926 uinclis 0 933 tenui sinu] in B 985 sponsique regi B, sponsoque regi Gryn., sponsoque reginae v uectos obuiam regi Mogw., obuiam uectos deus v fulgore deus B 939 restitui B 940 herile Bv conformet Bovw. 941 perhenne B finit ad citherium B )
    238
    XXV.
  1. Concordes animae casto sociantur amore,
  2. uirgo puer Christi, uirgo puella dei.
  3. Christe deus, pariles duc ad tua frena columbas
  4. et moderare leui subdita colla iugo.
  5. namque tuum leue, Christe, iugum est, quod prompta uoluntas
  6. suscipit et facili fert amor obsequio.
  7. inuitis grauis est castae pia sarcina legis,
  8. dulce piis onus est uincere carnis opus.
  9. absit ab (his) thalamis uani lasciuia uulgi,
  10. Iuno Cupido Venus, nomina luxuriae.
  11. sancta sacerdotis uenerando pignora pacto.
  12. iunguntur; coeant pax pudor et pietas.
  13. nam pietatis amor simul est et amoris honestas
  14. paxque deo concors copula coniugii.
  15. foederis huius opus proprio deus ore sacrauit
  16. diuinaque manu par hominum statuit.
  17. quoque indiuiduum magis adsignaret amorem,
  18. ex una fecit carne manere duos.