Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. et quod diuini documentum muneris egit,
    2. [*]( 723 penetralis D 724 manu ÃD; em. Mur. patam D 725 montes D 733 cofinis D, confinis A 734 cementisque AD uectos Mur. 736 totam AJD, tota Mur. quam] quos coni. Zechmeister 738 peruigilisque ÃD 744 agmine farso coni. Zechmeister, agminis arso AD, aggeris arto MtW. 745 qua AD, quae Mur. longo ÃD, longe Mwr. 746 receptus A1 750 tecta scripsi, laeta AD nouum As. I. replere AD; em. Mwr. 751 egit] edit fort. )
    183
  2. largior aestiuis huc mensibus unda cucurrit,
  3. quam prius hibernis ex imbribus ire solebat.
  4. hic ego te modo iure ream, mea Nola, patrono
  5. communi statuam et blandae pietatis ab ira
  6. mente manens placida motum simulabo patronum,
  7. filiolam increpitans ueteris sub uoce querelae.
  8. nam mihi, Nola, tui consortia iusta petenti
  9. fontis, quo turbata metu quasi dura negabas
  10. hospitium communis aquae? diuinaque iura
  11. respicere oblita humanis mea uota putebas
  12. usibus et mihi te, Felicem oblita, daturam
  13. credebas ac, si tribuisses, mox tibi siccam
  14. subducto patriam potu fore maesta gemebas
  15. idque etiam moto clamabas saepe tumultu,
  16. nescia diuinis opibus promptos fore fontes,
  17. sicut et experta es. nam mox deus ipse creator
  18. arguit ignauas Christo diffidere mentes,