Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. insolito siccam prius inroraret harenam
  2. et terram sine aqua subitis manare fluentis
  3. efficeret sanctasque sui Felicis in aulas
  4. hospitibus populis diuersa gente coactis
  5. per puteos simul atque lacus conchasque capaces
  6. largiter infusis noua currere pocula riuis.
  7. quis mea te, fons summe, daret deserta rigare
  8. pumiceumque mei cordis perrumpere saxum
  9. inque petra fundare domum et de te bibere undam,
  10. quae pareret uiuam mihi sicco in pectore uenam
  11. aeternum salientis aquae? sed et haec mihi gutta
  12. eloquii tenuis, quo te loquar, inde profecto
    13. [*]( 669 est tracta AD, eitinota MtW. 671 dedere Mur. 680 omne AD; T em. Mur. 684 diuesa A 686 procula D 1 687 fon A summe coni. Zechmeister, summa AD 689 inque scripsi, et quae D, et que A, exque MtW. 690 in sioco A )
    181
  13. ducitur, unde etiam fluuiis exundat origo.
  14. nam quis uel modico te, summa potentia summi
  15. Christe patris, fari sine te queat? ipse tuus te
  16. spiritus inspirat dici, quo lumine lumen
  17. et patris et nati par cernimus, ut duce sancto
  18. adspirante deum fateamur cum patre Christum.
  19. sed quia, dum uiui fontis gero nomen in ore,
  20. gutta meum stillauit in os de flumine uerbi,