Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. his me diuitiis inopem cupis, optime Felix,
  2. ut facias uitae locupletem et paupere cultu
  3. exortem reddas mortis sine fine luendae
  4. diuitibus mundi, quibus auri letifer usus
  5. parturit aeternos sociis cum uermibus ignes.
  6. non solis tibi nos iunctos uis degere tectis,.
  7. quos et in aeternae tibimet consortia uitae
  8. enutrire paras et ad illam ducere formam,
  9. quam tu sub domini perfectus imagine Christi
  10. gessisti in terris, homo quondam ex diuite pauper.
  11. nam cui paupertas tua, quam pro nomine sancto
  12. proscriptis opibus gaudens confessor adisti,
  13. ignorata iacet, et qua praeditus usque senectam
  14. conducto, Felix, coluisti semper in horto?
  15. propterea similes tibi niteris efficere omnes
  16. paupertate pia, quos suscipis hospite tecto;
  17. dissimilis nec enim tibi posset forma coire.
    18. [*]( 509 destrues AD; em. Mur. 510 construes AD; em. Mur. 511 iure coni. Gitlbauer, uere AD, more coni. Zechmeister 512 atque ut lucri AJD, ut lucri Mur. 514 nisi D, sine A 515 praeceptoque dei AD (sed in A que s. l.), praeceptoque eius coni. Mur. 517 luz A in om. Mw. 520 ut AD, et Mur. 526 iunctos AD ut Mwr. coni., iunctis Mur. 532 proscribtis D 533 iacet scripsi, lac D et s. I. A, latet Zechmeister, manet Mur., )
    176
  18. quantum etenim discors agno lupus et tenebris lux,
  19. tantum dispescunt uia diuitis et uia Christi
  20. nam uia lata patet, quae prono lubrica cliuo