Octavius

Minucius Felix, Marcus

Minucius Felix. M. Minucii Felicis Octavius Iulii Firmici Materni Liber de errore profanarum religionum. Halm, Karl, editor. Corpus scriptorum ecclesiasticorum Latinorum, Volume 2, 1867.

Has fabulas et errores et ab inpentis parentibus discimus, et quod est grauius, ipsi studiis et disciplinis elaboramus, carminibus praecipue poetarum, qui plurimum quantum ueritati ipsi sua auctoritate nocuerunt.

et Plato ideo praeclare Homerum illum [*]( 1 suum P: sumi r II ipsa et Heumann:, et ipsa Pr 2 ut] et Gelenius 3 faceret et eunuchum P, sed et erasum 4 Galli eam semiuiri A. I. Cramerm ad Iuuenaiis Schol. p. 49 6 et decora Pr, em. Gelenius 7 deus Wowerus obelo notauit IIlaeuis Gelenius 11 et P: ut r 12 uberibus Vrsinus: ueribus P, uerubus r, tuberibus Scaliger 13 tribia P 1\\ multis canibus M eursius 14 noster r II inbarbis P corr. ex inbaruis, imberbis r II locatur del. Heumann 16 tunc] manu Witbof in Encaeniis critt. (1741) p. 213 17 non auditur Pr, non aditur Wowerus, opimis induitur J. Fr. Gronowius, pompa aditur Perizonius et Heumann (sed hic cum pompa), non audit Dauisius; cf. Prelleri mythol. Ro. p. 220 18 quod P 19 ignita r: ignata P 21 aeteis r, henneis P; cf. Cypr. I. c. 1, 3 22 didicimus r 23 ipsi studiis Meursius: ipsis studiis Pr 24 qui permirum quantum r II ipsa sua Heraldus 25 suauitate Lindner II nocuerunt P: nocuere edd. )

33
inclytum laudatum et coronatum de ciuitate, quam in sermone instituebat, eiecit.

hic enim praecipuus bello Troico deos uestros, etsi ludos facit, tamen in hominum rebus et actibus miscuit, hic eorum paria composuit, sauciauit Venerem, Martem uinxit, uulnerauit, fugauit.

Iouem narrat Briareo liberatum, ne adiis ceteris ligaretur, et Sarpedonem filium, quoniam morti non poterat eripere, cruentis imbribus fleuisse, et loro Veneris inlectum flagrantius, quam in adulteras soleat, cum Iunone uxore concumbere.

alibi Hercules stercora egerit et Apollo Admeto pecus pascit. Laomedonti uero muros Neptunus instituit, nec mercedem operis infelix structor accipit.

illic Vulcanus Iouis fulmen cum Aeneae armis in incude fabricatur, cum caelum et fulmina et fulgura longe ante fuerint, quam Iuppiter in Creta nasceretur, et flammas ueri fulminis nec Cyclops potuerit imitari nec ipse Iuppiter non uereri.

quid loquar Martis et Veneris adulterium deprehensum et in Ganymeden Iouis stuprum caelo consecratum? quae omnia in hoc prodita, ut uitiis hominum quaedam auctoritas pararetur.