De Martyrio Maccabeorum

Pseudo-Hilarius

Pseudo-Hilarius. Cypriani Galli Poetae Heptateuchos (Corpus Scriptorum Ecclesiasticorum Latinorum, Volume 23). Peiper, Rudolf, editor. Prague; Vienna; Leipzig: Tempsky, Freytag, 1891.

  1. "Quid nunc, dire, paras? iussis parebimus omnes.
  2. sed numera partus, custos ne subtrahat ullum!
  3. ac, licet ipse uelis, non sum passura, tyranne,
  4. ut non isto omnes pereant certamine nati.
  5. temporis ista tui, mutes licet, horrida poena est
  6. duraque damnatis eadem sententia natis.
  7. si grauiora putas, si sunt grauiora, minare !
  8. quodque meos cernis uultus, horrore teneris?
  9. gaudemus pariter, quotiens decernis in istos."
  10. Ardet at ipse magis rabida rex concitus ira
  11. temptarique putat, ne, sicut cetera fratrum
  12. turba, ferat poenas, matremque hoc quaerere sentit.
  13. durat in exitium, quartumque addicere natum
  14. poenae mox uoluit; lassati namque ministri