Tractatus mysteriorum

Iunge personas, compara effectus, gesta intuere, inuenies in praesentium imitatione consequentium ueritatem. sub Moysi enim sorore lex usque ad sacramentum ligni atque aquae Christum prosecuta est. in Pharaonis uero filia gentium forma est, quae.

quamuis secundum historiae fidem paruolum uiderit, tamen effectu ipso uirtutem prophetiae retinuit. lex enim ecclesiae tamquam Pharaonis filiae synagogam et nutriculam et matrem infantis exhibuit ac sic spiritalis ordo conseruatus in gestis est. ab hac enim lege id docente nutriri secundum carnem Christum conuenit, ab illa oportuit adoptari.

magnus factus Moyses detentos in seruitio fratres requirit. deinde dominantem et iniuriam uni eorum inferentem Aegyptium prosternit ac postea ab eo ipso, quem de Aegyptio erat ultus, arguitur. nonne Christus consummatae et perfectae aetatis cum esset, populum suum, qui secundum carnem ei fratres sunt. uisitat ? uenit enim ad oues perditas modus Israhel. nonne dominantem eorum diabolum prostrauit et uicit?

nemo enim uasa fortis diripiet, nisi prius fortem alligauerit. nonne ab his ipsis, quibus et de diabolo ultionem et de seruitio libertatem reddebat, arguitur ? ita consummationem in deo gratiae consequitur ea, quae in latore legis imitatio est.

Rubus in conspectu Moysi conflagrat nec tamen uritur: ecclesia uidelicet ex peccatorum persecutionum et temptationum flammis succenditur apostolo dicente: angustiam sustinentes, inopiam tolerantes, sed non abrelinquimur. deicimur, sed non perimus, semper passiones Iesu in corpore circumferentes, ut et uita Iesu Christi in corpore nostro [*](13 cf. Ex. 2, 11—14 18 Matth. 15, 24 19 cf. Matth. 12, 24 20 cf. Matth. 12, 29 24 cf. Kx.3, 2 26 II Cor. 4,8-10 ) [*]( 2 ebreis A 3 Pharao — genet. quae Lin quem A Gam 4 effectus Gam affectus A o Moysi Lin moyse A Moysis Gam M hystorie J 11 iil] et Ltn ■ 13 seruitio Lin seruitium A Gam 21 his 1.1. A 24rcbus (rubus in mg. m3) A conflagrant A )