Carmina

Ennodius, Magnus Felix

Magnus Felix Ennodius. Magni Felicis Ennodii Opera Omnia (Corpus Scriptorum Ecclesiasticorum Latinorum, Volume 6). Hartel, Wilhelm, editor. Vienna: Gerold, 1882.

  1. Vincula soluit amor, quae quondam nexuit alter:
  2. Non nisi per legem cedit lex prisca sequentem.
    CVIIII. [DE VERSIBVS SVIS.]
  1. Numquam frugiferis per saecula longa thyrambis
  2. In me fluxerunt commoda Castalii.
  3. Tristia ieiunis pangentem carmina labris,
  4. Spes noua, quid stimulas, gurgitis Aonii?
  5. Sed si mutato Parcarum stamine gaudes,
  6. Exhibe cornipedem nunc, Pegasea, mihi,
  7. Qui ferat aligerum per gramina roscida corpus
  8. Nec teneras flectat uestigiis segetes,
  9. Sublimem ualidum formosum passibus aptum:
  10. Qui si contingat, mox mihi, Musa, places.
  11. Mitteris ad largum locupletem poscere parua:
  12. Ni gaudens redeas, dic mihi, Musa, uale.
    13. [*](CVim. 8 cf. Verg. Aen. VII 808 sq. )[*]( 7 dignus libri, em. Sirm. 8 despectus Eb 4 transscribenda V 6 religas B 7 tranBscribus V CVIII. ALIVD inscr. b CVIin. Inscr. om. libri, add. Sirm.; AGNELLO rectius inscriberetur, cf. 198, 3sq. 213, 20 1 longa] cuncta E tyrambis libri, corymbis coni. Schottus 3 ieiuni EY, ieiunii L spargentem ELPVb 6 pegasea] Musam sic appeUare uidetur, nisi forte nunc delendum et Pegason ecce mihi scribendum est 7 germina b roscida BLY, rusticaP 8 uestigiis] uel pedibus coni. Schottus 11 poscera L )
    595
    CX. DE CASTELLO HONORATI EPISCOPI.
  1. Pontificis castrum spes est fidissima uitae.
  2. Cui tutor sanctus, quae nocitura petant?
  3. Hic clipeus scutum est: procul hinc, Bellona, recede.
  4. Quod meritis constat, proelia nulla grauant.
  5. Conditor hic muros solidat, munimina factor.
  6. Nil metuat quisquis huc properat metuens.