Panegyricus dictus Manlio Theodoro consuli

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. quales Mygdonio curru frenare Cybebe
  2. optet et Herculei mallent fregisse lacerti.
  3. obvia fulminei properent ad vulnera pardi
  4. semine permixto geniti, cum forte leaenae
  5. nobiliorem uterum viridis corrupit adulter;
  6. hi maculis patres referunt et robore matres.
  7. quidquid monstriferis nutrit Gaetulia campis,
  8. Alpina quidquid tegitur nive, Gallica siquid
  9. silva tenet, iaceat; largo ditescat harena
  10. sanguine; consumant totos spectacula montes.
  11. Nec molles egeant nostra dulcedine ludi:
  12. qui laetis risum salibus movisse facetus,
  13. qui nutu manibusque loquax, cui tibia flatu,
  14. cui plectro pulsanda chelys, qui pulpita socco
  15. personat aut alte graditur maiore cothurno,
  16. et qui magna levi detrudens murmura tactu
  17. innumeras voces segetis moderatus aenae
  18. intonet erranti digito penitusque trabali
  19. vecte laborantes in carmina concitet undas,
  20. vel qui more avium sese iaculentur in auras