Panegyricus de sexto consulatu Honorii Augusti

Claudian

Claudian, Volume 2. Platnauer, Maurice, editor. Harvard University Press: Cambridge, MA; London, England, 1922.

  1. Additur ecce fides nec me mea lusit imago,
  2. inrita nec falsum somnia misit ebur.
  3. en princeps, en orbis apex aequatus Olympo!
  4. en quales memini, turba verenda, deos!
  5. fingere nil maius potuit sopor, altaque vati
  6. conventum caelo praebuit aula parem.
v.2.p.74
  1. Aurea Fortunae Reduci si templa priores
  2. ob reditum vovere ducum, non dignius umquam
  3. haec dea pro mentis amplas sibi posceret aedes,
  4. quam sua cum pariter trabeis reparatur et urbi
  5. maiestas: neque enim campus sollemnis et urna
  6. luditur in morem, species nec dissona coetu
  7. aut peregrina nitet simulati iuris imago,
  8. indigenas habitus nativa palatia sumunt,
  9. et, patriis plebem castris sociante Quirino,
  10. Mars augusta sui renovat suffragia campi.
  11. qualis erit terris, quem mons Euandrius offert
  12. Romanis avibus, quem Thybris inaugurat, annus?
  13. quamquam omnes, quicumque tui cognominis, anni
  14. semper inoffensum dederint successibus omen