Panegyricus de quarto consulatu Honorii Augusti

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. imploratque tuum supplex Alamannia nomen.
  2. Bastarnae venere truces, venit accola silvae
  3. Bructerus Hercyniae latisque paludibus exit
  4. Cimber et ingentes Albim liquere Cherusci.
    5. v.1.p.320
  5. accipit ille preces varias tardeque rogatus
  6. adnuit et magno pacem pro munere donat.
  7. nobilitant veteres Germanica foedera Drusos,
  8. Marte sed ancipiti, sed multis cladibus empta —
  9. quis victum meminit sola formidine Rhenum?
  10. quod longis alii bellis potuere mereri,
  11. hoc tibi dat Stilichonis iter. Post otia Galli
  12. limitis hortaris Graias fulcire ruinas.
  13. Ionium tegitur velis ventique laborant
  14. tot curvare sinus servaturasque Corinthum
  15. prosequitur facili Neptunus gurgite classes,
  16. et puer, Isthmiaci iam pridem litoris exul,