Panegyricus de quarto consulatu Honorii Augusti

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. discedens clipeum defensoremque dedisti.
  2. pro nobis nihil ille pati nullumque recusat
  3. discrimen temptare sui, non dura viarum,
  4. non incerta maris, Libyae squalentis harenas
  5. audebit superare pedes madidaque cadente
  6. Pleiade Gaetulas intrabit navita Syrtes.
  7. Hunc tamen in primis populos lenire feroces
  8. et Rhenum pacare iubes. volat ille citatis
  9. vectus equis nullaque latus stipante caterva,
  10. aspera nubiferas qua Raetia porrigit Alpes,
  11. pergit et hostiles (tanta est fiducia) ripas
  12. incomitatus adit, totum properare per amnem
  13. attonitos reges humili cervice videres.
  14. ante ducem nostrum flavam sparsere Sygambri
  15. caesariem pavidoque orantes murmure Franci
  16. procubuere solo: iuratur Honorius absens