Panegyricus de quarto consulatu Honorii Augusti

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. nec premat incumbens oneri nec cesserit aer?
  2. qui terret, plus ipse timet; sors ista tyrannis
  3. convenit; invideant claris fortesque trucident,
    4. v.1.p.308
  4. muniti gladiis vivant saeptique venenis,
  5. ancipites habeant arces trepidique minentur:
  6. tu civem patremque geras, tu consule cunctis,
  7. non tibi, nec tua te moveant, sed publica vota.
  8. In commune iubes si quid censesque tenendum,
  9. primus iussa subi: tunc observantior aequi
  10. fit populus nec ferre negat, cum viderit ipsum
  11. auctorem parere sibi. componitur orbis
  12. regis ad exemplum, nec sic inflectere sensus
  13. humanos edicta valent quam vita regentis:
  14. mobile mutatur semper cum principe vulgus.
  15. His tamen effectis neu fastidire minores
  16. neu pete praescriptos homini transcendere fines,