In Rufinum

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. obsessa tamen ille ferus laetatur in urbe
  2. exultatque malis summaeque ex culmine turris
  3. impia vicini cernit spectacula campi:
  4. vinctas ire nunc, nunc in vada proxima mergi
  5. seminecem, hunc subito percussum vulnere labi
  6. dum fugit, hunc animam portis efflare sub ipsis;
  7. nec canos prodesse seni puerique cruore
  8. maternos undare sinus, inmensa voluptas
  9. et risus plerumque subit; dolor afficit unus,
  10. quod feriat non ipse manu. videt omnia late
  11. exceptis incensa suis et crimine tanto
  12. luxuriat carumque sibi non abnuit hostem;
  13. iactabatque ultro, quod soli castra paterent
  14. sermonumque foret vicibus permissa potestas.
  15. egregii quotiens exisset foederis auctor,
  16. stipatur sociis, circumque armata clientum
    17. v.1.p.64
  17. agmina privatis ibant famulantia signis;
  18. ipse inter medios, ne qua de parte relinquat
  19. barbariem, revocat fulvas in pectora pelles
  20. frenaque et inmanes pharetras arcusque sonoros