de consulatu Stilichonis

Claudian

Claudian, Volume 1-2. Platnauer, Maurice, editor. Harvard University Press: Cambridge, MA; London, England, 1922.

  1. incertum quid Martis iter certumque Tonantis
  2. prospiciat mundo ; quid velox semita Lunae
  3. pigraque Saturni ; quantum Cytherea sereno
  4. curriculo Phoebique comes Cyllenius erret.
  5. Illius ut magno Sol limine constitit antri,
  6. occurrit Natura potens seniorque superbis
  7. canitiem inclinat radiis. tum sponte reclusus
  8. laxavit postes adamas, penetrale profundum
  9. panditur et sedes aevique arcana patescunt.
  10. hic habitant vario facies distincta metallo
  11. saecula certa locis : illic glomerantur acna,
  12. hic ferrata rigent, illic argentea candent.
  13. eximia regione domus, contingere terris
  14. difficilis, rutili stabat grex aureus anni :
  15. quorum praecipuum pretioso corpore Titan
  16. signandum Stilichone legit ; tunc imperat omncs
  17. pone sequi dictisque simul compellat euntes :
  18. “En, cui distulimus melioris saecla metalli,
  19. consul adest. ite optati mortalibus anni,
  20. ducite virtutes ; hominum florescite rursus