de bello Gildonico

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. aequales Aurora togas, Aegyptia rura
  2. in partem cessere novae, spes unica nobis
  3. restabat Libyae, quae vix aegreque fovebat;
  4. solo ducta Noto, numquam secura futuri,
  5. semper inops, ventique fidem poscebat et anni.
  6. hanc quoque nunc Gildo rapuit sub fine cadentis
  7. autumni. pavido metimur caerula voto,
  8. puppis si qua venit, si quid fortasse potenti
  9. vel pudor extorsit domino vel praedo reliquit.
  10. pascimur arbitrio Mauri nec debita reddi,
    11. v.1.p.104
  11. sed sua concedi iactat gaudetque diurnos
  12. ut famulae praebere cibos vitamque famemque
  13. librat barbarico fastu vulgique superbit
  14. fletibus et tantae suspendit fata ruinae.
  15. Romuleas vendit segetes et possidet arva
  16. vulneribus quaesita meis. ideone tot annos
  17. flebile cum tumida bellum Carthagine gessi?
  18. idcirco voluit contempta luce reverti
  19. Regulus? hoc damnis, genitor, Cannensibus emi?
  20. incassum totiens lituis navalibus arsit