de bello Gildonico

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. aut fluvium per tecta vagum summisque minatum
  2. collibus? ingentes vexi summersa carinas
  3. remorumque sonos et Pyrrhae saecula sensi.
  4. Ei mihi, quo Latiae vires urbisque potestas
    5. v.1.p.102
  5. decidit! in qualem paulatim fluximus umbram!
  6. armato quondam populo patrumque vigebam
  7. conciliis; domui terras urbesque revinxi
  8. legibus: ad solem victrix utrumque cucurri.
  9. postquam iura ferox in se communia Caesar
  10. transtulit et lapsi mores desuetaque priscis
  11. artibus in gremium pacis servile recessi,
  12. tot mihi pro meritis Libyam Nilumque dedere,
  13. ut dominam plebem bellatoremque senatum
  14. classibus aestivis alerent geminoque vicissim
  15. litore diversi complerent horrea venti.
  16. stabat certa salus: Memphis si forte negasset,
  17. pensabam Pharium Gaetulis messibus annum,,
  18. frugiferas certare rates lateque videbam
  19. Punica Niliacis concurrere carbasa velis.
  20. cum subiit par Roma mihi divisaque sumpsit