Carminum minorum corpusculum
Claudian
Claudian, Volume 2. Platnauer, Maurice, editor. Harvard University Press: Cambridge, MA; London, England, 1922.
- ergo lacessitus tandem rescribe roganti
- et patria florens sorte, Probine, vale.
v.2.p.270
- Torvus aper fulvusque leo coiere superbis
- viribus, hic saeta saevior, ille iuba ;
- hunc Mars, hunc laudat Cybele. dominatur uterque
- montibus ; Herculeus sudor uterque fuit.
- Fallaces vitreo Stellas componere mundo
- et vaga Saturni sidera saepe queri
- venturumque Iovem paucis promittere nummis
- Cureti genitor noverat Uranius.
- in prolem dilata ruunt periuria patris
- et poenam merito filius ore luit.
- nam spurcos avidae lambit meretricis hiatus
- consumens luxu flagitiisque domum
- et, quas fallacis collegit lingua parentis,
- has eadem nati lingua refundit opes.
- Si tua, Cureti, penitus cognoscere quaeris
- sidera, patre tuo certius ipse loquar.
- quod furis, adversi dedit inclementia Martis ;
- quod procul a Musis, debilis Areas crat ;