Carminum minorum corpusculum

Claudian

Claudian, Volume 2. Platnauer, Maurice, editor. Harvard University Press: Cambridge, MA; London, England, 1922.

  1. impia tu nostrae domuisti crimina vitae
  2. passus corporea numen 1 vestire figura
  3. adfarique palam populos hominemque fateri ;
  4. quemque utero inclusum Mariae mox numine viso
  5. virginei tumuere sinus, innuptaque mater
  6. arcano stupuit compleri viscera partu
    7. v.2.p.262
  7. auctorem paritura suum : mortalia corda
  8. artificem texere poli, mundique repertor
  9. pars fuit humani generis, latuitque sub uno
  10. pectore, qui totum late complectitur orbem,
  11. et qui non spatiis terrae, non aequoris unda
  12. nec capitur caelo, parvos confluxit in artus.
  13. quin et supplicii nomen nexusque subisti,
  14. ut nos subriperes leto mortemque fugares
  15. morte tua, mox aetherias evectus in auras
  16. purgata repetens laetum tellure parentem.
  17. Augustum foveas, festis ut saepe diebus
  18. annua sinceri celebret ieiunia sacri.
  1. Possedit glacies naturae signa prioris
  2. et fit parte lapis, frigora parte negat.