Carminum minorum corpusculum

Claudian

Claudian, Volume 2. Platnauer, Maurice, editor. Harvard University Press: Cambridge, MA; London, England, 1922.

  1. suffecit mandasse deam : tua littera nobis
  2. et pecus et segetes et domus ampla fuit.
  3. inflexit soceros et maiestate petendi
  4. texit pauperiem nominis umbra tui.
  5. quid non perficeret scribentis voce Serenae
  6. vel genius regni vel pietatis amor ?
  7. Atque utinam sub luce tui contingeret oris
  8. coniugis et castris et solio generi
    9. v.2.p.260
  9. optatum celebrare diem ! me iungeret auspex
  10. purpura, me sancto cingeret aula choro.
  11. et mihi quam scriptis desponderat ante puellam,
  12. coniugiis eadem pronuba dextra daret.
  13. nunc medium quoniam votis maioribus aequor
  14. Invidet et Libycae dissidet ora plagae,
  15. saltem absens, regina, fave reditusque secundos
  16. adnue sidereo laeta supercilio.
  17. terrarum tu pande vias, tu mitibus Euris
  18. aequora pacari prosperiora iube,
  19. ut tibi Pierides doctumque fluens Aganippe
  20. debita servato vota cliente canant.