Carminum minorum corpusculum

Claudian

Claudian, Volume 2. Platnauer, Maurice, editor. Harvard University Press: Cambridge, MA; London, England, 1922.

  1. Die, mea Calliope, tanto cur tempore differs
  2. Pierio meritam serto redimire Serenam ?
  3. vile putas donum, solitam consurgere gemmis
  4. et Rubro radiare mari si floribus ornes
  5. reginae regina comam ? sed floribus illis,
  6. quos neque frigoribus Boreas nec Sirius urit
  7. aestibus, aeterno sed veris honore rubentes
    8. v.2.p.240
  8. fons Aganippea Permessius educat unda :
  9. unde piae pascuntur apes et prata legentes
  10. transmittunt saeclis Heliconia mella futuris.
  11. Dignius an vates alios exercuit unum
  12. femineae virtutis opus ? quod sponte redempto
  13. casta maritali successit Thessala fato
  14. inque suos migrare virum non abnuit annos,
  15. hoc Grai memorant. Latiis movet ora Camenis
  16. praescia fatorum Tanaquil rediensque per undas
  17. Cloelia Thybrinas et eodem flumine ducens