De consolatione philosophiae

Boethius

Boethius. Anicii Manlii Severini Boethii Philosophiae Consolationis (Corpus scriptorum ecclesiasticorum Latinorum, Volume 67). Weinberger, Wilhelm, editor. Vienna, Leipzig: Hoelder-Pichler Tempsky, Akademische Verlags Gesellschaft, 1934.

  1. Si quantas rapidis flatibus incitus
  2. pontus versat harenas
  3. aut quot stelliferis edita noctibus
  4. caelo sidera fulgent,
  5. tantas fundat opes nec retrahat manum
  6. pleno Copia cornu,
  7. humanum miseras haud ideo genus
  8. cesset flere querelas.
  9. Quamvis vota libens excipiat deus
  10. multi prodigus auri
  11. et claris avidos ornet honoribus,
  12. nil iam parta videntur,
  13. sed quaesita vorans saeva rapacitas
  14. alios pandit hiatus.
  15. Quae iam praecipitem frena cupidinem
  16. certo fine retentent,
  17. largis cum potius muneribus fluens
  18. sitis ardescit habendi?
  19. Numquam dives qui trepidus gemens
  20. sese credit egentem. [*]((20))