De consolatione philosophiae

Boethius

Boethius. Anicii Manlii Severini Boethii Philosophiae Consolationis (Corpus scriptorum ecclesiasticorum Latinorum, Volume 67). Weinberger, Wilhelm, editor. Vienna, Leipzig: Hoelder-Pichler Tempsky, Akademische Verlags Gesellschaft, 1934.

nullo duce regitur, sed errore tantum temere ac passim lymphante raptatur. Qui si quando contra nos aciem struens valentior incubuerit, nostra quidem dux copias suas in arcem contrahit, illi vero circa diripiendas inutiles [*]( 25 Plut. Ex. 602 d. 607 e: ὣσπεϱ iv νὴσψ σάλον ἐχούση πολύν, ϰαϑάπεϱ ϕησὶν d Πλάτων (Phaedr. 250 c) 31 cf. Klingner 3, 1πολύν, ) [*](PTLVKE) [*](.4 accideret PT1 aeciderit rei. Peip. 15 abire P1V1E1 24 am- miraere Tx 29 lymphanter aptatur LlV. ut vid. Tl instrnens L )

7
sarcinulas occupantur.

At nos desuper irridemus vilissima rerum quaeque rapientes securi totius furiosi tumultus eoque vallo muniti, quo grassanti stultitiae aspirare fas non sit.

  1. Quisquis composito serenus aevo
  2. fatum sub pedibus egit superbum
  3. fortunamque tuens utramque rectus
  4. invictum potuit tenere vultum,
  5. non illum rabies minaeque ponti
  6. versum funditus exagitantis aestum
  7. nec ruptis quotiens vagus caminis
  8. torquet fumificos Vesaevus ignes
  9. aut celsas soliti ferire turres
  10. ardentis via fulminis movebit.
  11. Quid tantum miseri saevos tyrannos
  12. mirantur sine viribus furentes?
  13. Nec speres aliquid nec extimescas,
  14. exarmaveris impotentis iram;
  15. at quisquis trepidus pavet vel optat,
  16. quod non sit stabilis suique iuris,
  17. abiecit clipeum locoque motus
  18. nectit, qua valeat trahi, catenam.