Parentalia

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. qua Lugdunensis provincia quaque potentes
  2. Haedues, Alpino quaque Vienna iugo.
    3. v.1.p.64
  3. invida set nimium generique opibusque superbis
  4. aerumna incubuit; namque avus et genitor
  5. proscripti, regnum cum Victorinus haberet
  6. ductor et in Tetricos recidit imperium.
  7. tum profugum in terris, per quas erumpit Aturrus
  8. Tarbellique furor perstrepit oceani,
  9. grassantis dudum fortunae tela paventem
  10. pauperis Aemiliae condicio inplicuit.
  11. mox tenuis multo quaesita pecunia nisu
  12. solamen fesso, non et opes tribuit,
  13. tu caeli numeros et conscia sidera fati
  14. callebas studium dissimulanter agens,
  15. non ignota tibi nostrae quoque formula vitae,
  16. signatis quam tu condideras tabulis,
  17. prodita non umquam; sed matris cura retexit,
  18. sedula quam timidi cura tegebat avi.