Parentalia

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. SI qua fuit virtus, cuperet quam femina prudens
  2. esse suam, soror hac Dryadia haud caruit,
  3. quin etiam multas habuit, quas sexus habere
  4. fortior optaret nobilitasque virum,
  5. docta satis vitamque colu famamque tueri,
  6. docta bonos mores ipsa suosque docens,
  7. et verum vita cui carius unaque cura
  8. nosse deum et fratrem diligere ante alios.
    9. v.1.p.76
  9. coniuge adhuc iuvenis caruit, sed seria vitans
  10. moribus austeras aequiperavit anus
  11. produxitque hilarem per sena decennia vitam,
  12. inque domo ac tecto, quo pater, oppetiit.