Epistulae

Ausonius, Decimus Magnus

Ausonius, Decimus Magnus. Ausonius, Volume 2. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1921.

  1. et destinatum saeculum est,
  2. claudente donec continebor corpore,
  3. discernar orbe quamlibet,
  4. nec orbe longe nec remotum lumine
  5. tenebo fibris insitum:
  6. videbo corde, mente complectar pia
  7. ubique praesentem mihi.
  8. et cum solutus corporali carcere
  9. terraque provolavero,
  10. quo me locant axe communis pater,
  11. illic quoque animo te geram;
  12. neque finis idem, qui meo me corpore
  13. et amore laxabit tuo.
  14. mens quippe, lapsis quae superstes artubus
  15. de stirpe durat cacliti,
  16. sensus necesse est simul et adfectus suos
  17. teneat aeque ut vitam suam,
  18. et ut mori, sic oblivisci non capit,
  19. perenne vivax et memor.
  20. Vale domine illustris.