Epistulae

Ausonius, Decimus Magnus

Ausonius, Decimus Magnus. Ausonius, Volume 2. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1921.

  1. Diseussisse iugum querens me, quo tibi doctis
  2. iunctus eram studiis, hoc nec gestasse quidem me
  3. adsero. namque pares subeunt iuga: nemo valenles
  4. copulat infirmis neque sunt concordia frena,
  5. si sit conpulsis mensura iugalibus inpar.
  6. si vitulum tauro vel equum committis onagro;
  7. si confers fulicas cycnis et acdona parrae,
  8. castaneis corulos; aequas viburna cupressis:
  9. me conpone tibi: vix Tullius et Maio tecum
  10. sustineant aequale iugum, si iungar amore,
    11. v.2.p.122
  11. hoc tantum tibi me iactare audebo iugalem,
  12. quo modicus sociis magno contendit habenis.
  13. dulcis amicitia aeterno mihi foedere tecum
  14. et paribus semper redamandi legibus aequat.
  15. hoc nostra cervice iugum non scaeva resolvit
  16. fabula, non terris absentia longa diremit,
  17. nec perimet, toto licet abstrahar orbe vel aevo.
  18. numquam animo divisus agam: prius ipsa recedet
  19. corpore vita meo, quam vester pectore vultus.
  20. Ego te per omne quod datum mortalibus