Epistulae

Ausonius, Decimus Magnus

Ausonius, Decimus Magnus. Ausonius, Volume 2. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1921.

  1. ecquando iste meas inpellet nuntius aures?
  2. “ Ecce tuus Paulinus adest: iam ninguida linquit
  3. oppida Hiberorum, Tarbllica iam tenet arva,
  4. Hebromagi iam tecta subit, iam praedia fratris
  5. vicina ingreditur, iam labitur amne .secundo
  6. iamque in conspectu est: iam prora obvertitur amni:
  7. ingressusque sui celebrata per ostia portus
  8. totum occursantis populi praevertitur agmen
  9. et sua praeteriens iam iam tua limina pulsat.”
  10. Credimus an, qui amant, ipsi sibi somnia fingunt?
    11. v.2.p.110
  1. PROXIMA quae nostrae fuerat querimonia chartae,
  2. credideram quod te, Pauline, inflectere posset
  3. eliceretque tuam blanda obiurgatio vocem.
  4. set tu, iuratis velut alta silentia sacris
  5. devotus teneas, perstas in lege tacendi.