Commemoratio Professorum Burdigalensium

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. quid Castor cunctis de regibus ambiguis, quid
  2. coniugis e libris ediderit Rhodope:
  3. quod ius pontificum, veterum quae scita Quintum
  4. quae consulta patrum, quid Draco quidve Solon
  5. sanxerit et Locris dederit quae iura Zaleucus,
  6. sub Iove quae Minos, quae Themis ante Iovem,
  7. nota tibi potius, quam Tullius et Maro nostri
  8. et quidquid Latia conditur historia,
  9. fors istos etiam tibi lectio longa dedisset,
  10. supremum Lachesis ni celerasset iter.
  11. exili nostrae fucatus honore cathedrae,
  12. libato tenuis nomine grammatici:
  13. longinquis posthac Cumae defunctus in oris,
  14. ad quas de Siculo litore transieras.
  15. sed modo nobilium memoratus in agmine gaude,
  16. pervenit ad manes si pia cura tuos.