Commemoratio Professorum Burdigalensium

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. RELLIGIO est, tacitum si te, Sedate, relinquam,
  2. quamvis docendi munus indepte es foris,
  3. communis patria est tecum mihi: sorte potentis
  4. fati Tolosam nanctus es sedem scholae.
  5. illic coniugium natique opulensque senectus
  6. et fama, magno qualis est par rhetori.
  7. quamvis externa tamen a regione reducit
  8. te patria et civem morte obita repetit,
    9. v.1.p.128
  9. cumque vagantem operam divisae impenderis urbi,
  10. arbitrium de te sumit origo suum.
  11. et tua nunc suboles morem sectata parentis
  12. Narbonem ac Romam nobilitat studiis;
  13. sed quid conquerimur? Longum post tempus et illos 1
  14. fama, velit nolit, Burdigalam referet.