Res Gestae

Ammianus Marcellinus

Ammianus Marcellinus. Ammianus Marcellinus, with an English translation, Vols. I-III. Rolfe, John C., editor. Cambridge, MA; London: Harvard University Press; W. Heinemann, 1935-1940 (printing).

Huic successit Hemonensis Simplicius, Maximini

v3.p.114

consiliarius ex grammatico, per administrationem[*](per administrationem, W. Meyer Spir.; post administratam without lac., V; prouinciam, added by Lind., praefecturam, by Novák, in lac. indicated by Momm.) nec erectus nec tumidus sed obliquo aspectu terribilis, qui compositis ad modestiam verbis acerba meditabatur in multos. Et primo Rufinam, cum universis auctoribus adulterii commissi vel consciis, interfecit, super quibus Ursicinum rettulisse praediximus, alios deinde complures nullo noxiorum discrimine vel insontium.

Cruento[*](cruento, Novák; in cruento, G; merciento, V.) enim certamine cum Maximino velut antepilano suo contendens, superare eum in succidendis familiarum nobilium nervis studebat, Busirim veterem et Antaeum imitatus et Phalarim, ut taurus ei[*](ut taurus ei, Val.; ut aereus taurus ei, Her.; uitae rusei, V.) solus deesse videretur Agrigentinus.

His in hunc modum ac talibus actis,[*](actis, Clark; exactis, EAG; actitatis, vulgo; aetatis, V.) Hesychia quaedam matrona, ob intentatum crimen in domo apparitoris, cui custodienda est tradita, multa pertimescens et saeva, fulcro plumeo vultu contracto incubuit, et animam occluso narium spiramento effudit.

Adiunctum est his aliud haut mitius malum. Eumenius enim et Abienus, ambo ex coetu amplissimo, infamati sub Maximino, in Fausianam feminam non obscuram, post Victorini obitum, quo iuvante vixere securius, Simplicii adventu perterrefacti, non

v3.p.116

secus volentis[*](uolentis, AG; loquentis, Novák; uolentes, V.) maligna cum minis,[*](magna cum nimis, V; uolentis magna (maligna, Her.) in animis Corn.; uiolentis, sed magni acuminis, Pet.) ad secreta receptacula se contulerunt.

Sed Fausiana damnata, inter reos recepti, vocatique edictis, semet abstrusius amendarunt: quorum Abienus apud Anepsiam diu delitescebat. Sed ut solent insperati casus aggravare miserabilis clades, [*](Sapaudulus, Clark and Her.; apaudulus, V.) nomine, servus Anepsiae, verberatae coniugis dolore perculsus, negotium ad Simplicium detulit, nocte progressus, missique apparitores, e latebris abstraxerunt.

Et Abienus quidem, exaggerate crimine stupri, quod intulisse dicebatur Anepsiae, morte multatus est. Mulier vero ut continendae vitae spem firmam dilato posset habere supplicio, appetitam se nefariis artibus, vim in domo Aginati perpessam, .

Haec (ut gesta sunt) malignius[*](malignius, Pet. (malignus, Schneider); auctius, Hermann; mugitus (from maugitus), V.) ad principem Simplicius rettulit, agensque ibi Maximinus infestus, ob causam quam supra docuimus, Aginatio, simultate una cum potestate in maius accensa, oravit[*](orauit, added in G; V omits.) impense ut rescriberetur eum occidi: et impetravit facile male sanus incitator et potens.

Metuensque gravioris invidiae pondus, ne pronuntiante Simplicio, et consiliario suo et amico, periret homo patriciae stirpis, retinuit apud se paulisper imperiale praeceptum, haerens et ambigens quemnam potissimum exsecutorem atrocis

v3.p.118

rei fidum inveniret et[*](et, added in G; V omits.) efficacem.

Tandemque, ut solent pares facile congregari cum paribus, Doryphorianus quidam repertus est Gallus, audax ad usque insaniam, cui hanc operam implere brevi pollicito, deferri providit vicariam, et commonitorium cum Augusti litteris tradidit, instruens hominem saevum quidem sed[*](sed, V; et, Gardt.) rudem, qua celeritate Aginatium sine ullo deleret obstaculo, dilatione qualibet inventa forsitan evasurum.