Explanatio Psalmorum XII

ille tibi omnia peccata dimisit, et tu grauiora committis ? uocat te: in iudicium ueniens quid responsurus es ei, qui nisi iterum tibi donet, peristi? ideoque uidens sanctus Dauid hac quadam moralitate dei amplius se grauari iudicium refugit, misericordiam poscit dicens: et ne intres in iudicium cum seruo tuo, quoniam non iustificabitur in conspectu tuo omnis uiuens.

confitetur se in tenebris sicut mortuum saeculi conlocatum. caute sicut mortuum saeculi dixit, non mortuum. non enim mortui saeculi sunt qui moriuntur in Christo, illi autem sunt mortui saeculi qui omnem uitam suam, quam uixerunt in saeculo, in interitu et morte constituunt. et ideo quasi desperatus ad remedium confugit dicens: cito exaudi me, domine, quia defecit spiritus meus. talis enim iudicii proposita sibi oblatione defecit, in quo examinanda ueritas foret potius quam miseriQordia conferenda.

Tamen tam pius est dominus, ut, etsi nemo iustificetur in conspectu eius uiuens — quis enim quamuis iustus non obnoxius est peccato aut cuius talis est uita, ut digna iudicetur dei similitudi ne ? - , utique ad imaginem et similitudinem dei factus debeat sicut deus, qui sine peccato est, ita et is qui ad imaginem eius est esse sine peccato.

qua ergo dignus est poena, qui gratiam tantam dominicae operationis et similitudinem diuini decoris amisit? sed quia misericors est, etiamsi ipse se iudicio subiciat, iustum tamen non iudicat, sed iniustum. iusto parcit quasi condicionis fragilitate peccanti, iniustum punit, quasi qui detestetur ingratum. deinde etiamsi [*](10 *Ps. 142, 2 13 cf. Ps. 142, 3 15 cf. Col. 2, 20-22 18 *Ps. 142, 7 24 cf. Gen. 1, 26 ) [*]( 6 trades BCml 7 uocabit a uenies BCmlfiav 8 es om. ECmlft 11 quia DF 12 omnis om. B 13 conlatum (s. scr. uel collocatum Cm3) BC 16 qua DF 18 quoniam C 21 etsi] si F 22 est om. BCfJ 23 aut] et BC 24 debeat scripsi debet codd. av deberet Engelbrecht 25 pr. qui om. fta sine peccato esse fJav 28 se ipse BC se ipsum fJ 29 conditionis codd. av )