Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. efferet, et sacris augebit nomen Iulis
  2. bellatrix gens bacifero nutrita Sabino.
  3. hinc pater ignotam donabit uincere Thylen
  4. inque Caledonios primus trahet agmina lucos,
  5. compescet ripis Rhenum, reget impiger Afros
  6. palmiferamque senex bello domitabit Idymen.
  7. nec Stygis ille lacus uiduataque lumine regna,
  8. sed superum sedem nostrosque tenebit honores.
  9. tum iuuenis magno praecellens robore mentis
  10. excipiet patriam molem celsusque feretur
  11. aequatum imperio tollens caput. hic fera gentis
  12. bella Palaestinae primo delebit in aeuo.
  13. at tu transcendes, Germanice, facta tuorum,
  14. iam puer auricomo praeformidate Batauo.
  15. nec te terruerint Tarpei culminis ignes:
  16. sacrilegas inter flammas seruabere terris.
  17. nam te longa manent nostri consortia mundi.
  18. huic laxos arcus olim Gangetica pubes
  19. summittet, uacuasque ostendent Bactra pharetras.
  20. hic et ab Arctoo currus aget axe per urbem,