Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. aut uaga Sardoo uestigia tinguere fluctu
  2. uel Tyriae quondam regnata mapalia genti
  3. extremumue diem et terrarum inuisere metas.
  4. sic poscit sparsis Mauors agitatus in oris.
  5. ergo age, qua litui, qua ducunt bella, sequamur.
  6. Ausoniae pars magna iacet Trinacria tellus,
  7. ut semel expugnante Noto et uastantibus undis
  8. accepit freta caeruleo propulsa tridente.
  9. namque per occultum caeca ui turbinis olim
  10. impactum pelagus laceratae uiscera terrae
  11. discidit et medio perrumpens arua profundo
  12. cum populis pariter conuulsis transtulit urbes.
  13. ex illo seruans rapidus diuortia Nereus
  14. saeuo diuiduos coniungi pernegat aestu.
  15. sed spatium, quod dissociat consortia terrae,
  16. latratus fama est (sic arta interuenit unda)
  17. et matutinos uolucrum tramittere cantus.
  18. multa solo uirtus: iam reddere faenus aratris,
  19. iam montis umbrare olea, dare nomina Baccho
  20. cornipedemque citum lituis generasse ferendis,