Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. Iam terra glaciale caput fecundaque nimbis
  2. tempora et austrifero nebulosam uertice frontem
  3. immitis condebat Hiems, blandisque salubre
  4. uer Zephyris tepido mulcebat rura sereno.
  5. prorumpit Capua Poenus uicinaque late
  6. praemisso terrore quatit, ceu condita bruma,
  7. dum Riphaea rigent Aquilonis flamina, tandem
  8. euoluit serpens arcano membra cubili
  9. et spondente die nouus emicat atque coruscum
  10. fert caput et saniem sublatis faucibus efflat.
  11. at Libyci ducis ut fulserunt signa per agros,
  12. desolata metu cuncta, et suadente pauore