Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. hortor et haec fratri Magonem dicta referre.’
  2. Plura adnectentem (neque enim satiauerat iras
  3. dicendo) clamor turbat diuersa uolentum:
  4. ‘Si Libyae decus, haud ulli superabilis armis,
  5. Hannibal est irae tibi, destituemus ad ipsas
  6. uictorem metas nec opum adiumenta feremus,
  7. inuidia unius sceptra ut iam parta retardet?’
  8. inde alacres tribuunt quae belli posceret usus
  9. absentique suum iactant sub teste fauorem.
  10. mox eadem terris placitum traducere Hiberis,
  11. dum malus obtrectat facta immortalia liuor
  12. nec sinit adiutas ductoris crescere laudes.