Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. vexant et dominis Cirrhae Nysaeque feruntur
  2. pectora vestra duas non admittentia curas?
  3. magnae mentis opus, nec de lodice paranda
  4. attonitae, currus et equos faciesque deorum
  5. aspicere et qualis Rutulum confundat Erinys.
  6. nam si Vergilio puer et tolerabile desset
  7. hospitium, caderent omnes a crinibus hydri,
  8. surda nihil gemeret grave bucina: poscimus ut sit
  9. non minor antiquo Rubrenus Lappa cothurno,
  10. cuius et alveolos et laenam pignerat Atreus?
  11. non habet infelix Numitor quod mittat amico:
  12. Quintillae quod donet habet, nec defuit illi
  13. unde emeret multa pascendum carne leonem
  14. iam domitum; constat leviori belua sumptu
  15. nimirum et capiunt plus intestina poetae.
  16. Contentus fama iaceat Lucanus in hortis
  17. marmoreis, et Serrano tenuique Saleio
  18. gloria quantalibet quid erit, si gloria tantum est?
  19. curritur ad vocem iucundam et carmen amicae
  20. Thebaidos, laetam cum fecit Statius urbem