Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. nam quae docta nimis cupit et facunda videri,
  2. crure tenus medio tunicas succingere debet,
  3. caedere Silvano porcum, quadrante lavari.
  4. non habeat matrona, tibi quae iuncta recumbit,
  5. dicendi genus aut curvum sermone rotato
  6. torqueat enthymema, nec historias sciat omnes,
  7. sed quaedam ex libris et non intellegat, odi
  8. hanc ego quae repetit volvitque Palaemonis artem
  9. servata semper lege et ratione loquendi
  10. ignotosque mihi tenet antiquaria versus
  11. nec curanda viris[*](Housman puts a full stop after viris, and interprets: aliasque res virorum cura indignas. Postgate suggests, after one of Ruperti's MSS., haec curanda viris?) opicae castigat amicae
  12. verba; soloecismum liceat fecisse marito.
  13. Nil non permittit mulier sibi, turpe putat nil,
  14. cum virides gemmas collo circumdedit et cum
  15. auribus extentis magnos commisit elenchos;
  16. intolerabilis nihil est quam femina dives. [*](Clausen and Willis reject line 6.460, following Paldamus.)
  17. interea foeda aspectu ridendaque multo
  18. pane tumet facies aut pinguia Poppaeana
  19. spirat, et hinc miseri viscantur labra mariti:
  20. ad moechum lota veniunt cute. quando videri