Noctes Atticae
Gellius, Aulus
Gellius, Aulus. The Attic Nights of Aulus Gellius. Rolfe, John C., editor. Cambridge, Mass.; London: Harvard University Press; William Heinemann, 1927 (printing).
Flavus contra videtur e viridi et rufo et albo concretus; sic flaventes comae et, quod mirari quosdam video,
frondes olearum a Vergilio flavae dicuntur, sic multo ante Pacuvius aquam flavam dixit et fulvum pulverem. Cuius versus, quoniam sunt iucundissimi, libens commemini:
Rubidus autem est rufus atrior et nigrore multo inustus, luteus contra rufus color est dilutior;
inde ei nomen quoque esse factum videtur.
Non igitur, inquit, mi Favorine, species rufi plures aput Graecos quam aput nos nominantur.
Sed ne viridis quidem color pluribus a vobis vocabulis dicitur,