Noctes Atticae

Gellius, Aulus

Gellius, Aulus. The Attic Nights of Aulus Gellius. Rolfe, John C., editor. Cambridge, Mass.; London: Harvard University Press; William Heinemann, 1927 (printing).

Nam proficisci et profugere et profundere et profanum et correpte dicimus, proferre autem et et proficere producte.

Cur igitur ea littera, quam Cicero productionis causam facere observavit, non in omnibus consimilibus eandem vim aut rationis aut suavitatis tenet, sed aliam vocem produci facit, aliam corripi?

Neque vero con particula tum solum producitur, cum ea littera, de qua Cicero dixit, insequitur. Nam et Cato et Sallustius:

faenoribus, inquiunt, copertus est.

Praeterea coligatus et conexus producte dicitur.

Sed tamen videri potest in his quae posui, ob causam particula haec produci, quoniam eliditur ex ea n littera; nam detrimentum litterae productione syllabae compensatur.

Quod quidem etiam in eo servatur, quod est cogo ;

neque repugnat quod

coegi correpte dicimus; non enim salva id ἀναλογίᾳ dicitur a verbo, quod est cogo.

Quod Phaedon Socraticus servus fuit; quodque item alii [*](alii philosophi, Carrio.) complusculi servitutem servierunt.

PHAEDON Elidensis ex cohorte illa Socratica fuit Socratique et Platoni per fuit familiaris.