Noctes Atticae
Gellius, Aulus
Gellius, Aulus. The Attic Nights of Aulus Gellius. Rolfe, John C., editor. Cambridge, Mass.; London: Harvard University Press; William Heinemann, 1927 (printing).
Ita plerique nostrum quae remotiora verba invenimus dicere ea properamus, non discere.
Significat autem susque deque ferre animo aequo esse et quod accidit non magni pendere atque interdum neglegere et contemnere, et propemodum id valet quod dicitur Graece ἀδιαφορεῖν.
Laberius in Compitalibus:
M. Varro in Sisenna vel De Historia:
- Núnc tu lentu’s, núnc tu susque déque fers;
- Matér familias túa in lecto adversó sedet,
- Servós sextantis útitur nefáriis
- Verbís.
Quod si non horum omnium similia essent principia ac postprincipia, susque deque esset.
Lucilius in tertio:
- Verum haec ludus ibi susque omnia deque fuerunt,
- Susque et deque fuere, inquam, omnia, ludus iocusque;
- Illud opus durum, ut Setinum accessimus finem: Αἰγίλιποι [*](aigilepes, Marx.) montes, Aetnae omnes, asperi Athones.
Quid sint proletarii, quid capite censi; quid item sit in XII. Tabulis adsiduus; et quae eius vocabuli ratio sit.
OTIUM erat quodam die Romae in foro a negotiis et laeta quaedam celebritas feriarum legebaturque in consessu forte conplurium Enni liber ex Annalibus. In eo libro versus hi fuerunt:
Tum ibi quaeri coeptum est, quid esset proletarius.
- Proletarius publicitus scutisque feroque
- Ornatur ferro; muros urbemque forumque
- Excubiis curant.