Priapeia

Priaepia

Poeta Latini minores, ed. Aemilius Baehrens, Leipzig, Teubner, 1879

  1. Cum fici tibi suauitas subibit
  2. et iam porrigere huc manum libebit,
  3. ad me respice, fur, et aestimato,
  4. quot pondo est tibi mentulam cacandum.
  1. Illusit mihi pauper inquilinus:
  2. cum ferctum dederat molamque tusam,
  3. quorum partibus abditis in ignem,
  4. sacro protinus hinc abit peracto.
  5. uicini canis huc subinde uenit
  6. nidorem, puto, persecuta fumi,
  7. quae libamine mentulae comeso
  8. tota nocte mihi litat rigendo.
  9. at uos amplius hoc loco cauete
  10. quicquam ponere, ne famelicarum
  11. ad me turba uelit canum uenire,
  12. ne dum me colitis meumque numen,
  13. custodes habeatis irrumatos.
  1. Si commissa meae carpes pomaria curae,