Priapeia
Priaepia
Poeta Latini minores, ed. Aemilius Baehrens, Leipzig, Teubner, 1879
- Medis laxior Indicisue bracis,
- mandes huic licet, ut libet, te inire.
- nam quamuis uidear satis paratus,
- erucarum opus est decem maniplis,
- fossas inguinis ut teram dolemque
- cunni uermiculos scaturrientis.
- Quicumque uestrum, qui uenitis ad cenam,
- libare nullos sustinet mihi uersus,
- illius uxor aut amica riualem
- lasciuiendo languidum, precor, reddat,
- et ipse longa nocte dormiat solus
- libidinosis incitatus erucis.
- Quod partem madidam mei uidetis,
- per quam significor Priapus esse,
- non ros est, mihi crede, nec pruina,
- sed quod sponte sua solet remitti,
- cum mens est pathicae memor puellae.
- Tu, quicumque uides circa tectoria nostra
- non nimium casti carmina plena ioci,
- uersibus obscenis offendi desine: non est