Priapeia

Priaepia

Poeta Latini minores, ed. Aemilius Baehrens, Leipzig, Teubner, 1879

  1. Uuis aridior puella passis,
  2. buxo pallidior nouaque cera,
  3. collatas sibi quae suisque membris
  4. formicas facit altiles uideri,
  5. cuius uiscera non aperta Tuscus
  6. per pellem poterit uidere aruspex,
  7. quae suco caret estque pura pumex,
  8. (Nemo uiderit hanc ut expuentem,
  9. quam pro sanguine puluerem scobemque
  10. in uenis medici putant habere,
  11. ad me nocte solet uenire et affert
  12. pallorem maciemque larualem.
  13. ductor ferreus insulariusque
  14. lanternae uideor fricare cornu.
  1. Naidas antiqui Dryadasque habuere Priapi,
  2. et quo tenta dei uena subiret, erat.
  3. nunc adeo nihil est, adeo mea plena libido est,
  4. ut Nymphas omnis interiisse putem.
  5. turpe quidem factu, sed ne tentigine rumpar,
  6. falce mihi posita fiet amica manus.
  1. Cum sacrum fieret deo salaci,