Priapeia

Priaepia

Poeta Latini minores, ed. Aemilius Baehrens, Leipzig, Teubner, 1879

  1. ponit et adducta tympana pulsa manu.
  2. pro quibus, ut semper placeat spectantibus, orat,
  3. tentaque ad exemplum sit sua turba dei.
  1. Tu, qui non bene cogitas et aegre
  2. carpendo tibi temperas ab horto,
  3. pedicabere fascino pedali.
  4. quod si tam grauis et molesta poena
  5. non profecerit, altiora tangam.
  1. Obscenis, peream, Priape, si non
  2. uti me pudet inprobisque probris.
  3. sed cum tu posito deus pudore
  4. ostendas mihi coleos patentes,
  5. cum cunno mihi mentula est uocanda.
  1. 'Falce minax et parte tui maiore, Priape,
  2. ad fontem, quaeso, dic mihi qua sit iter.'
  3. uade per has uites, quarum si carpseris uuam,
  4. cur aliter sumas, hospes, habebis aquam.
  1. Donec proterua nil mei manu carpes,
  2. licebit ipsa sis pudicior Vesta.
  3. sin, haec mei te uentris arma laxabunt,
  4. exire ut ipse de tuo queas culo.