Priapeia
Priaepia
Poeta Latini minores, ed. Aemilius Baehrens, Leipzig, Teubner, 1879
- suttilibus Liber committit praelia thyrsis,
- fertur Apollinea missa sagitta manu,
- Herculis armata est inuicta dextera claua:
- at me terribilem mentula tenta facit.
- Copia me seruet: tu suffragare rogatus
- indicio nec me prode, Priape, tuo,
- quaeque tibi posui tamquam uernacula poma,
- de sacra nulli dixeris esse uia.
- Femina si furtum faciet mihi uirue puerue,
- haec cunnum, caput hic praebeat, ille nates.
- Quicumque hic uiolam rosamue carpet
- furtiuumue olus aut inempta poma,
- defectus pueroque feminaque
- hac tentigine, quam uidetis in me,
- rumpatur, precor, usque mentulaque
- nequicquam sibi pulset umbilicum.
- Hic me custodem fecundi uillicus horti
- mandati curam iussit habere loci.
- fur habeas poenam, licet indignere 'feram'que
- 'propter olus' dicas 'hoc ego?' 'propter olus'.
- Hoc sceptrum, quod ubi arbore est recisum,