Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. Aesonides, iamque ora premit trahiturque trahitque
  2. obnixusque genu superat cogitque trementes
  3. sub iuga aena toros.[*](toros M, tores V ) alium dehinc turbida Colchis
  4. exarmat lentumque offert timideque minantem,
    5. p.180
  5. iamque propinquanti noctem[*](noctem M 2, noctemq. V ) implicat; ille fatiscens
  6. in caput inque umeros ipsa vi molis et irae
  7. proruit. invadit totusque incumbit Iason
  8. desuper atque suis detixum[*](defixum V, defessum cod. regius, defectum Burmann ) flatibus urget,
  9. utque dedit vinclis validoque obstrinxit aratro,
  10. suscitat[*](Sustitat V ) ipse genu saevaque agit insuper hasta,
  11. non secus a[*](a d'Orville, ac V ) medio quam si telluris hiatu
  12. terga recentis equi primumque invasit habenis
  13. murmur et in summa Lapithes apparuit Ossa.
  14. Ille velut campos Libyes[*](campos Libyes Bon 2, campis alibyae V ) ac pinguia Nili
  15. fertilis arva secet, plena sic semina dextra
  16. spargere gaudet agris[*](agris Maserius, acri V ) oneratque novalia bello
  17. Martius hic primum ter vomere fusus ab ipso
  18. clangor et ex omni sonuertnt cornua sulco;
  19. bellatrix tunc gleba quati[*](quati CT, quatit V ) pariterque creari
  20. armarique phalanx totisque insurgere campis.