Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. Eumenidum noctisque globos, vatique patescat
  2. armorum fragor et tepidi singultibus agri
  3. labentum atque acti Minyis per litora manes.
  4. Cyzicus hic aciem vanis discursibus implet
  5. fata trahens; iam pulsa sibi cessisse Pelasgum
  6. agmina, iam passim vacuos disiecta per agros
  7. credit ovans: tales habitus,[*](habitus (ἕξεις) T, Heinsius, auditus V ) ea gaudia fingit
  8. ira deum. fundo veluti cum Coeus in imo
  9. vincla lovis fractoque trahens adamante catenas
  10. Saturnum Tityumque vocat spemque aetheris amens[*](amens M 2, amans V )
  11. concipit, ast ilium fluviis et nocte remensa
  12. Eumenidum canis et sparsae iuba reppulit hydrae.
  13. saevit acerba fremens tardumque a moenibus agmen
  14. increpitat: 'numquamne dolor virtusque[*](nunquamne SM, numque ne V | virtusque Heinsius, uirtute V ) subibit
  15. nil ausas sine rege manus? at barbara buxus
  16. si vocet et motis ululantia Dindyma sacris,
  17. tune ensis placeatque furor, modo tela sacerdos
  18. porrigat et iussa sanguis exuberet ulna.'[*](iussa sanguis e. ulna Grotius, cf. 20 et Luc. III 664, iustas anguiis e. urna V )
  19. talibus insultans iamdudum numine divae
  20. deficit, infracti languescunt frigore[*](frigore M, frore V ) cursus,