Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- vulnus, et extrema sonuit cita cuspide cassis.[*](casside cuspis C )
- Nisaeum Telamon et Ophelten vana sonantem
- per clipei cedentis opus cratemque[*](cratemque Heinsius, artemque V ) trilicem,
- qua stomachi secreta, ferit laetusque profatur:
- 'di, precor, hunc regem aut aeque delegerit alta
- fors mihi gente satum, magnusque et flebilis urbi
- conciderit.' super addit Aren fratremque Melanthum
- Phoceaque Oleniden, Lelegum[*](lelegum M 2, legum V ) qui pulsus ab oris
- regis amicitiam et famuli propioris honores —
- qua patiens non arte — tulit. nox alta cadentum
- ingentes resonat[*](resonat Hein- sius, donec V, donat C, duplicat Pius, denset Gronovius ) sonitus augetque ruinas:
- ut magis Inarime, magis ut mugitor anhelat
- Vesvius,[*](Vesuius M 2 T 1, Vesubius V, Vesulus C | ater M 2 C | post 209 versum excidisse credas talis fere sententiae noctibus, et resonat geminatis ictibus incus,) attonitas acer cum suscitat urbes ...
- sic pugnae crebrescit[*](crudescit C ) opus; neque enim ignea cedunt
- astra loco, lentis[*](lentisque Schenkl ) haeret nox conscia bigis.
- Perge age Tartareae mecum semel omnia[*](semel omnia: cf. Luc. II 147 et III 296 ) noctis,
- Musa, sequi. trepidam Phaethon adflavit ab alto
- Tisiphonen, graviorque locos iam luce propinqua
- umbra premit; non signa virum, non funera cernunt,
- et rabie magis ora calent. vos prodite,[*](vos prodite Bon. 2, prosprodite V ) divae,